افغان پناه جویلرینی حمایت قیلووچی «افغان ایواک» تشکیلاتی، امریکا قوشمه ایالتلری کانگرسی و آق اوی‌دن، امریکا دن پاکستانگه و کیین افغانستانگه انتقال ایتیلیشی ریجه‌لنگن ۱۵۰ دن آرتیق افغان پناه جوی نینگ اخراج ایتیلیشینی توخته‌تیشنی طلب قیلدی.
اوشبو تشکیلات یکشنبه کونی بیر بیانیه ترقه تیب، دوشنبه، ۲-نومبر کونی، لویزیانا ایالتیدن ۱۵۰ دن آرتیق افغان نینگ پاکستانگه و او ییردن افغانستانگه اخراج ایتیلیشی ریجه لنگنینی ایتدی. بو حرکت اوشبو کیشیلرنینگ خوفسیزلیگی حقیده جدي تشویشلرنی توغدیرگن.
افغان ایواک نینگ بیانیه‌سیگه کۉره، بو کیشیلر آره‌سیده اوتگن ییگیرمه ییل دوامیده افغانستانده امریکا کوچلری بیلن خدمت قیلگن افغانلرنینگ قریب-قرینداشلری هم بار. بو کیشیلر و اولرنینگ عایله‌لری، خارجی کوچلر بیلن همکارلیک قیلگنلیکلری اوچون طالبان حاکمیتی آستیده‌گی افغانستانده جدي خوفسیزلیک تهدیدلری بیلن روپه‌رو.
تشکیلات امریکالیک رسمیلردن اوشبو افغانلرنینگ اخراج پروسه‌سینی تیزلیک بیلن توخته‌تیشنی و اولرنینگ پناه جولیک ایشلریگه قَیته کۉریب چیقیشنی سوره‌گن. افغان ایواک، بو کیشیلرنی افغانستانگه قَیته یوباریش اولرنینگ حیاتینی خطرگه قۉییشینی تأکیدله‌گن.
بو طلب، امریکا نینگ مخصوص مهاجرت ویزه‌لری (SIV) برنامه‌سیگه لایق مینگلب افغانلر هلی هم اۉز عرضه‌لری نینگ کۉریب چیقیلیشینی کوتیب تورگن بیر پیتده اورته‌گه قۉییلماقده. ایشلرنی کۉریب چیقیش نینگ سست پروسه‌سی، کۉپلب کیشیلرنینگ افغانستان ایچیده و تشقریسیده نامعلوم بیر وضعیتده قېلیشیگه سبب بۉلگن.
منبع: افغان ایواک
🌐
