امریکا جمهور رئیس‌لیگی اوچون نامزد دانلد ترمپ، آیووا ایالتی نینگ دوبیوق شهریده بیر سیلش کمپاینیده، افغانستانده‌گی اوروشنی فقط اوچ هفته‌ده یوتیب چیقیشی ممکن اېکنینی ایتگن. او افغانستان و ویتنام اوروشلریده یوز مینگلب کیشی نینگ اۉلیمی اوچون امریکا نینگ سابق جمهور رئیسلرینی تنقید قیلیب، «بیز یوتیش اوچون اوروشمه‌ی میز، بلکه تینگ بیر نتیجه اوچون اوروشه میز. مېن نیمه قیله یاتگنیمیزنی بیلمه‌ی من» دېگن.
بو بیانلر، ترمپ نینگ آلدین هم حاضرگی جمهور رئیس جو بایدن نی افغانستاندن «اویاتلی چیقیش» دېب اته گنی اوچون کۉپ مرته تنقید قیلگن بیر پیتده بیان ایتیلگن. او امریکا نینگ افغانستان اوروشینی «حرمتلی» بیر شکلده توگه تیب، اۉز حربی تجهیزاتینی هم او مملکتدن چیقریشی ممکن اېدی دېگن فکرده دیر.
افغانستانده‌گی امریکا اوروشی ییگیرمه ییل دوام ایتیب، امریکا قوشمه ایالتلری تاریخیده‌گی اینگ اوزون اوروش دېب سنهله‌دی. بو اوروش کەمیده ۲٬۴۶۱ امریکالیک حربی نینگ حیاتینی آلدی و امریکالیک سالیق تۉلاوچیلرگه بۉیوک خرجت‌لر یوکلدی.
تحلیلچیلر نینگ معلوماتیگه کۉره، ایکّی اون ییللیک حربی حضور و میلیاردلب دالر صرفلنگه نیگه قره‌مسدن، امریکا قوشمه ایالتلری افغانستانده اعلان قیلینگن مقصدلریگه، یعنی بیر برقرار و دموکراتیک حکومت قوریشگه ایریشه آلمه‌دی.
۲۰۲۱ نچی ییل نینگ اگست آییده امریکالیک کوچلر چیققندن سۉنگ، افغانستان نینگ سابق حکومتی ییقیلیب، طالبان ینه مملکت اۉستیده حاکمیتنی قۉلگه آلدی. گزارش‌لرگه کۉره، افغانستانده تخمیناً ۷ میلیارد دالرلیک امریکالیک قورال-یراغلر قالیب، طالبان قۉلیگه توشدی.
ترمپ ایران حقیده‌گی نطقیده اوچ مرته افغانستاننی هم ایسله ب، او مملکتده‌گی امریکا اوروشی نینگ اوزونلیگیگه اشاره قیلگن. او ویتنام اوروشینی هم بیر هفته‌ده یوتیب چیقیشی ممکن اېکنینی تاکیدله‌گن.
بو بیانلر ترمپ نینگ سیلش کمپاینلری نینگ بیر قسمی بۉلیب، اونده او اۉز تشقی سیاستینی حاضرگی و سابق حکومت‌لرگه قره‌گنده کۉپراق موفقیتلی و قاطع کۉرستیشگه حرکت قیلماقده.
منبع: Zarin TV
🌐
