ایران مقام‌لری و قطرلیک واسطه‌چیلر اورته‌سیده امریکا بیلن اوروشنی توگه تیش مقصدیده بۉله‌یاتگن صحبتلرده ایلگریلش بۉییچه امیدلرنینگ آرتیشی آرتیدن، دوشنبه کونی دنیا بازارلریده خام نفت قیمتی تۉرت فایزگه یقین کمه‌یدی. بو صحبتلر واشنگتن بیلن هماهنگ شکلده آلدیریلماقده.
رویترز خبر آژانسی معلوماتیگه کۉره، دوشنبه کونی، ۱۱ عقرب، گرینویچ وقتی بیلن ایرته لب ساعت ۹:۰۰ گه قدر، برنت خام نفت قیمتی ۳.۷ فایز کمه ییب، هر بشکه‌سی ۱۰۹.۲۳ دالرگه ییتدی. شونینگدیک، «وست تگزاس اینترمدیت» (WTI) خام نفت قیمتی هم ۳.۹۸ فایز کمه ییب، هر بشکه‌سی ۱۰۰.۱۴ دالرگه معامله بولدی.
رویترز یازیشیچه، بو صحبتلر اورته شرقده نفت تەمیناتیده‌گی تۉسیقلر کمه‌ییشی ممکن دېگن امیدلرنی یوزه‌گه کېلتیرگن و بو وضعیت قیمت‌لرنینگ پستیگه توشیشیگه تۉغریدن-تۉغری تأثیر قیلگن. صحبتلر جمعه کونی تهرانده باشلندی، شنبه کونی دوحه‌گه کۉچیریلدی و یکشنبه کونی هم قطر پایتختیده دوام ایتدی.
بیر خبردار منبع نینگ رویترزگه ایتشیچه، گرچه ایرانلیک صحبتچیلر یکشنبه کونی دوحه‌نی ترک ایتگن بولسه‌لرده، لیکن بو حرکت صحبتلرده بیر مشکل یوز بیرگنی باعث ایمس و کیلیشووگه ایریشیش اوچون امیدلر هلی هم موجود.
بوندن آلدین، ایران اۉز مملکتیگه امریکا و اسرائیل نینگ هجوملری باشلنگندن سۉنگ، هرمز تنگه‌سینی یاپگن اېدی. دنیا نفت و گازی نینگ تقریباً ۲۰ فایزی انتقال قیلینه‌دیگن بو استراتیژیک خلق ارا سوو یۉلی نینگ یاپیلیشی، دنیا بازارلریده نفت قیمتی نینگ سېزیلرلی درجه‌ده کۉتریلیشیگه سبب بۉلگن اېدی.
ایران و امریکا اورته‌سیده آتش بسدن بویان، صحبتلر جریانی و ایکّی تامان نینگ هرمز تنگه‌سینی مدیریت قیلیش و تۉلیق آچیش بۉییچه اختلافلری نفت قیمتیگه تأثیر کۉرسه تیب کیلماقده. شو طریقه که، بحران کۉتریلگنده قیمتلر یوقاری کېته‌دی و بحران کمه یشی و کیلیشووگه ایریشیش امیدی آرتقنده، قیمتلر پستیگه توشه‌دی.
منبع: رویترز
🌐
