«چېگره بیلمس خبرچیلر» (RSF) تشکیلاتی اۉزی نینگ «رسانه‌لر آزادلیگی دشمنلری» ییللیک رویختینی نشر قیلدی که اونده طالبان رهبری ملا هبت‌الله آخوندزاده جمله دن ۳۳ کیشی و نهاد نینگ آتی کۉرینه‌دی. بو رویخت دوشنبه کونی، ۱۱ عقربده، «ژورنالیستلرگه قرشی جنایتلر اوچون جزاسیزلیکنی توگه تیش خلق ارا کونی» بیلن بیر پیتده نشر ایتیلدی.
چېگره بیلمس خبرچیلر تشکیلاتی نینگ ایتشیچه، بو رویختگه کیرگن کیشیلر و نهادلر ۲۰۲۶- ییل جریانیده تهدید، قولگه آلیش، زوروانلیک، حقوقی و اقتصادی باسملر و تبلیغات کبی تورلی یۉللر بیلن رسانه‌لر آزادلیگی و مستقل ژورنالیستیک فعالیتنی چېکله‌گنلر. بو رویخت سیاسی، خوفسیزلیک، حقوقی، اقتصادی و اجتماعی بۉلیملرده تنظیملنگن.
سیاسی بۉلیمده، ملا هبت‌الله آخوندزاده امریکا جمهور رئیسی دونالد ترامپ و روسیه جمهور رئیسی ولادیمیر پوتین کبی سیما لر قطاریده کیلگن. بو تشکیلات نینگ ایتشیچه، بو کیشیلر رسانه‌لرنی سس سیز و چېکله‌یدیلر.
خوفسیزلیک بۉلیمیده که ژورنالیستلرنی قولگه آلیش یا اۉلدیریشگه تیگیشلی، سعودی عربستان ولیعهدی محمد بن سلمان و اسرائیل حربی کوچلری کبی ناملر ذکر ایتیلگن. چېگره بیلمس خبرچیلر غزه‌ده تقریباً ۲۲۰ ژورنالیست جان بیرگنینی ایتگن.
حقوقی بۉلیمده، تورکیه جمهور رئیسی رجب طیب اردوغان، ژورنالیستلرگه باسم اوچون قانون‌دن فایده لنگنی اوچون رویختگه کیریتیلگن. اقتصادی بۉلیمده، متا (فیسبوک ایگه سی) و الفابت (گوگل ایگه سی) کبی شرکتلر رسانه‌لرنی مالی جهتدن ضعیفلشتیرگنی اوچون تانیشتیریلگن. اجتماعی بۉلیمده، ایکس شبکه‌سی ایگه‌سی ایلان ماسک، ژورنالیستلرنی بدنام قیلگنی اوچون، بو رویختده جای آلگن.
بو تشکیلات بو رویخت نینگ کامل ایمس لیگینی، بلکه بو نهاد نینگ ایشانچیگه کۉره هدفلی روشده رسانه‌لر آزادلیگینی «ضعیفلشتیرگن» کیشیلردن نمونه‌لرنی تانیشتیریشینی تأکیدله‌گن. بو ییلگی رویختدن ایران نینگ سابق رهبری علی خامنه‌ای جمله دن تۉرت چهره نینگ آتی چیقاریلگن.
منبع: چېگره بیلمس خبرچیلر
🌐
