خوست ولایتیده بیر ایشانچلی محلی منبع نینگ ایتشیچه، بو ولایت نینگ گربز تومنیده بیر یاش ییگیت عمکه‌سی نینگ اۉغلی بیلن آغزه کی جدلدن سۉنگ، پیچاق ضربه‌لری بیلن اۉلدیریلگن.
منبع نینگ سۉزلریگه کۉره، بو حادثه یکشنبه کونی کېچقورون، ۱۰ عقربده، گربز تومنی نینگ «صحرا آکا» قشلاغیده یوز بیرگن. اۉلدیریلگن ییگیت نینگ آتی عبدالرحمان ایکن و ۲۸ یاشده اېدی.
منبع نینگ قۉشیمچه قیلیشیچه، عبدالرحمان فارمسی رشته‌سی نینگ فارغ التحصیلی بۉلیب، عایله وی مشکلاتلر اوستیده عمکه‌سی نینگ اۉغلی بیلن آغزه کی جدل قیلگن. بو جدل نهایتده فزیکی اوروشگه آلینیب، عمکه‌سی نینگ اۉغلی بیر نیچه پیچاق اوریب اونی اۉلدیرگن.
حاضرگچه خوست ولایتیده طالبان حکومتی نینگ محلی مقام‌لری رسمی روشده بو قتل و اونینگ انگیزه‌لری حقیده فکر بیلدیرمه‌گنلر. قتلده عیبلنگن شخص نینگ کیملیگی هم هلی اعلان قیلینمه‌گن.
عایله وی زوروانلیک، شخصی خصومت‌لر و ییر اوستیده‌گی نزاع‌لردن کیلگن قتللر، هر کونی افغانستان نینگ مختلف ولایت لریدن گزارش بېریله‌دیگن جنایی جرم‌لرنینگ اساس قیصمینی تشکیل ایته‌دی.
فقرلیک، ایشسیزلیک نینگ کۉپه یشی و قورالگه آسان قول ییتیش مملکتده جنایی جرم‌لر سانی نینگ کۉتریلیشیگه یاردم بېرگن عامللر دیب سنله‌دی. محلی اهالی خوفسیزلیک نهادلریدن بونده‌ی حادثه‌لرنینگ آلدینی آلیش اوچون جدی تدبیرلر کۉریشنی سوره ماقده‌لر.
منبع: محلی منبع‌لر
🌐
