امریکا قوشمه ایالتلری تشقی ایشلر وزیرلیگی دوشنبه کونی آقشامی، ۱۸ عقربده، ینه اۉز پودراتچیلریدن هیچ قنده‌ی وضعیتده افغانستانگه سفر قیلمسلیکنی سۉره‌دی.
امریکا تشقی ایشلر وزیرلیگی نینگ قونسللیک ایشلری اداره‌سی بیلدیروویده معلوم قیلیشیچه، افغانستان و باشقه بیر قطار مملکتلر تۉرتینچی باسقیچ، یعنی اینگ یوقاری خبردارلیک باسقیچیده توریبدی.
تۉرتینچی درجه‌لی خبردارلیک امریکالیکلرگه مذکور مملکتلرگه خطرلی وضعیت سبب هېچ قنده‌ی سفر قیلمسلیک بۉییچه اینگ قتتیق کۉرستمه سنله‌دی.
امریکا تشقی ایشلر وزیرلیگی اوشبو مملکتلرنی جوده خطرلی دیب اته‌ب، پودراتچیلری «هیچ قنده‌ی سبب بیلن» بو حدودلرگه بارمسلیگی کېره‌ک دیگنینی قید اېتگن.
افغانستان بیلن بیرگه، بلاروس، بورکینافاسو، میانمار، اورته افریقا جمهوریتی، چاد و کنگو دموکراتیک جمهوریتی هم بو رویخطده کۉریله‌دی.
شونینگدېک، هایتی، ایران، عراق، لبنان، لیبیا، مالی، نایجر، شمالی کوریا، روسیه، سومالیا، جنوبی سودان، سودان، سوریه، اوگاندا، اوکراین و یمن کبی اولکه‌لر هم اوشبو تۉرتینچی باسقیچده قرار تاپگن.
منبع: امریکا تشقی ایشلر وزیرلیگی
🌐
