ناسا و امریکا نینگ اوقیانوس و اتوموسفیر تیکشیرووی ملی اداره‌سی نینگ معلوماتلریگه کۉره، انترکتیکا اوستیده‌گی اوزون قاتی نینگ تېشیگی یېتینچی بار اینگ کتته مقیاسیگه یېتگن. مذکور تېشیک ۲۰۲۶ ییل نینگ سپتامبر آییده قریب ۱۰٫۵ میلیون مربع میل ساحه‌نی اېگه‌لله‌گن.
شونگه قره‌مسدن، عالم‌لر اوزون قاتی نینگ قیتدن تیکله‌نیشی دامی برقرار قالگنینی ایتماقده. تدقیقاتچیلر بو کینگه‌یشنی اوزون بوزووچی کیمیاوی مادلر سببلی اېمس، بلکیم عادتدن تشقری موسمی هوا شرایطی باعث یوز بېرگنینی معلوم قیلدیلر.
اوزون تېشیگی ۲۰۲۶ ییل ۱۸ سپتامبرده اینگ یوقاری نقطه‌سیگه یېتیب، ۲۷٫۱ میلیون مربع کیلومتر جاینی قپلب آلدی. بو اۉلچاو بیلن او اوتگن ۴۸ ییلده‌گی یېتینچی کتته کۉرستکیچ صفتیده ثبت اېتیلدی. اینگ یوقاری کمه‌ییش پیتیده اونینگ اۉرتاچه ساحه‌سی ۹٫۶ میلیون مربع میل بۉلگن.
متخصص‌لر کوب قطبی شمولنی بو کینگه‌یش نینگ اساسی عاملی دیب بیلدیردی. بو سیستم ساوق هوانی قطب اوستیده سقلب، اوزون مالیکوللری نینگ قویاش نوری تېگیشی بیلن یوق بۉلیشینی تیزلشتیرووچی بولوتلرنی تشکیل قیلگن.
ملی اداره‌سی نینگ اۉلچاولریگه کۉره، ۱۷ اکتوبر کونی جنوب قطبیده اوزون مقداری ۱۰۵ دابسون بیرلیگیگه توشدی. بیراق بو ۲۰۰۶ ییل ثبت اېتیلگن اینگ قویی درجه یعنی ۹۲ دابسون بیرلیگیدن یوقاری دیر.
عالم‌لر نینگ تخمینیچه، اگر ۱۹۸۷ ییلده‌گی مونترال بیتیمی بۉلمه‌گنده اېدی، بو تېشیک ینه‌ده ۱ دن ۲ میلیون مربع میلگچه کینگراق بۉلر اېدی. پیشبینلیکلرگه کۉره، اوزون قاتی ۲۰۶۶ ییل اطرافیده ۱۹۸۰ ییل کۉرستکیچیگه قیته‌دی.
منبع: NASA / NOAA
🌐
