افغانستان اوچون جنوبی کوریا ایلچیخانهسی نینگ سرپرستی چو سونگ کوان، بو مملکت حاضرگی قین شرایطده افغانستان خلقیگه همکارلیک قیلیشگه صادق ایکنینی بیلدیردی. او بو سوزلرنی «افغانستان ایقتیصادی قیته تیکلَنیشی» لایحهسی نینگ ایکّینچی باسقیچی باشلهنیشیده ایتدی.
بیرلشگن ملتلر تشکیلاتی ترقیات پروگرامی (UNDP) بیر بیانات ترقهتیب، اوشبو ایکّینچی باسقیچ ۶ میلیون دالر بودجه بیلن جنوبی کوریا تامانیدن مولیهلشتیریلیشینی معلوم قیلدی. بو لایحه بیش ولایتده تطبیق ایتیلهدی.
اوشبو خلقارا نهاد نینگ ایتیشیچه، لایحه کابل، غزنی، پکتیا، کنر و ننگرهار ولایتلرینی اوز ایچیگه آلهدی. نتیجهده ۳۸۶ میندن آرتیق کیشی اوندن تۉغریدن-تۉغری یا-ده ناتۉغری فایده کوریشی کوتیلماقده.
مذکور لایحه اوچ اساسی بخشنی اوز ایچیگه آلهدی: اساسلرنی قیته قوریش و ماین تازهلش فعالیتی، تیریکچیلیکنی قیته تیکلش همده ایقتیصادی احوالنی یخشیلهش، و اساسی خدمتلرگه یول آچیش بیلن بیرگه اجتماعی بیردملیکنی کوچهیتیریش.
اساسلر بۉلیمی بویینچه سوغاریش کاناللری، یۉللر، سوو ترقهتیش ترماقلری و تاشقینلرگه قرشی توسقلر قوریلهدی و توزیلهدی. شونینگدېک پارتلاوچی مادّهلرنی تازهلش و خطرلرنی اورگهتیش ایشلری هم اولیب باریلهدی.
ایقتیصادی ساحهده قیسقه مدّتلی ایش اورینلری یرهتیلیب، دهقانلرگه ایش قوراللری بېریلهدی. شونینگدېک عیاللر و یاشلرنینگ کیچیک کسب-کارلری کسب-هنر اورگهتیش و دستلبکی سَرمایه بیلن قوللب-قوّتلهنهدی.
منبع: بیرلشگن ملتلر تشکیلاتی نینگ ترقیات پروگرامی (UNDP)
🌐