عدلی طب متخصصی جفری اپستین نینگ جسدی تیکشیرووی حجتلری و عکسلرینی بیر ییل اۉرگنگچ، اونینگ قماقخانهده خودکشلیک قیلگنی حقدگی رسمی قرارنی شوبهه آستیگه آلدی.
نیویارک تایمز معلوماتیگه کۉره، داکتر مایکل فریمن اپستین نینگ بۉینی و تَنهسیدهگی جراحتلر باشقه بېر اۉلدیرووچی تمانیدن بۉغیب اۉلدیریلگنینی و اۉلیمیدن آلدین کۉرهشگنینی کۉرسهتهدی دیب ایتگن.
بیراق رسمی حکومت تیکشیروولری جفری اپستین ۲۰۱۹-ییلده قماقخانهده اۉزینی اۉلدیرگنینی معلوم قیلگن اېدی و بۉ پروندهده باشقه بېراو دستسی بارلیگی اثباتلنمهگن اېدی.
فریمن نینگ بیلدیریشیچه، دارگه آسلگن نشانلر عموماً تیکیس بۉلهدی، اما اپستین نینگ بۉینیدهگی نشان چوخور، ناتیکیس و بیر تمانیده وای شکلیده اېدی.
اوشبو حجتلرنی اپستین نینگ ایناغهسی مارک اپستین متخصصگه بېرگن بۉلیب، او دوشنبه کونی لندندهگی میدل تمپل حقوقی جمعیتیگه اۉز تیکشیروولری نتیجهلرینی تانیشتیردی.
نیویارک عدلی طب ادارهسی هم اۉزینینگ خودکشلیک حقدگی دستلبکی قراری توغری اېکنینی تأکیدلب کېلماقده.
منبع: The New York Times
🌐