سوییس نینگ پاکستانده‌گی ایلچیسی استفان ری، پاکستان نینگ افغانستان بۉییچه مخصوص نماینده‌سی محمد صادق خان بیلن اسلام‌آبادده اوچره‌شدی.

سوییس ایلچیخانه‌سی معلوماتیگه کۉره، بو اوچره‌شووده افغانستان نینگ عمومی احوالی، افغان قاچاقینلری و منطقه‌ده‌گی یانگی اۉزگریشلر محاکمه قیلیندی.

سوییس ایلچیخانه‌سی جمعه کونی ایکّی تامان بشری یاردم‌لرنی باشقریش و افغان قاچاقینلری ستراتیژیسینی آلدینگه سوریش یۉللری هم کۉریب چیقیلگنینی بیلدیردی.

محمد صادق خان هم بو اوچره‌شووده افغانستان وطنداشلریگه تیگیشلی بشری مسئله‌لر و اۉز ارا منفعاتلر اساس بولگنینی قید اېتدی.

شونده‌ی بۉلسه هم، پاکستانلیک رسمی اوشبو سوزلشوولر نینگ انیق جزئیاتلری حقیده قۉشیمچه معلومات بېرمه‌گن.

بو اوچره‌شوو پاکستان حکومتی ۲۰۲۳ ییل سپتامبر آییدن باشلب اسنادسز افغان مهاجرلرینی چېقه‌ریشنی کۉپه‌یتیرگن بیر وقتده بۉلیب اۉتدی.

خلق‌ارا تشکیلاتلر نینگ رقملریگه قاره‌گنده، بو جریان باشلنگنیدن بېری میلیونلب افغانلر پاکستاندن چیقاریلگن یاکی قیتگن.

منبع: سوییس ایلچیخانه‌سی و محمد صادق خان

🌐

Author