امام علی رحمان، رئیس جمهوری تاجیکستان، با دونالد ترامپ، رئیس جمهوری امریکا، دیدار کرده و در رابطه به تروریسم، نگرانی های امنیتی دوشنبه و قاچاق مواد مخدر بحث کرده اند.
براساس خبرنامه وزارت خارجه تاجیکستان که شنبه، ۸ نوامبر، منتشر شده، بخش مهم این گفتگوها را تروریسم، افراط گرایی، مقابله با تهدیدها و قاچاق غیرقانونی مواد مخدر تشکیل می داد.
این دیدار در زمانی صورت گرفته که تاجیکستان نگرانی های جدی درباره امنیت مرزهای خود با افغانستان دارد.
به گفته مقامات، قاچاق مواد مخدر از افغانستان که تقریبا دو برابر شده است ، یکی از موضوعات اصلی مطرح شده در این گفتگوها بوده است.
رئیس جمهوری تاجیکستان بر اهمیت ثبات در افغانستان به عنوان عامل کلیدی برای امنیت تاجیکستان و کل منطقه تاکید کرده و ضرورت تقویت همکاری های منطقه ای برای مقابله با تهدیدهای امنیتی را مطرح کرده است.
