د طالبانو حکومت چارواکو تایید کړې ده چې پاکستاني پوځي ځواکونو د افغانستان په ختیځ کې د کنړ ولایت پر ځینو برخو د هاوان بریدونه کړي دي.
د طالبانو حکومت د ویاند مرستیال حمدالله فطرت اعلان وکړ چې دا بریدونه نن سهار د کنړ ولایت پر ناړۍ ولسوالۍ شوي دي. د هغه په وینا، د دې هاوانونو د لګیدو په پایله کې یو ملکي وګړی شهید شوی او یوه ښځه ټپي شوې ده.
په همدې حال کې، راپورونه ښیي چې پاکستاني پوځیانو د پکتیکا ولایت په شکین ولسوالۍ کې هم د ملکي وګړو پر یوه موټر ډزې کړي دي. چارواکي وایي چې دې پیښې ځاني زیان نه درلود، خو سرحدي اندیښنې یې زیاتې کړې دي. #افغانستان #پاکستان #طالبانو\_حکومت #کنړ #پکتیکا
