د تاجیکستان هیواد چارواکو اعلان کړی چې قصد لري تر دوه زره او دیرشم کال پورې له افغانستان سره خپلې سرحدي زیربناوې عصري کړي. دا پراخ پروګرام به د ډله ییز امنیت تړون سازمان سره د ګډو همکاریو په چوکاټ کې پلی شي.
په دې امنیتي پلان کې د حرارتي کمرو نصبول، بې پیلوټه الوتکې او د سرحدي ځواکونو د پام وړ زیاتوالی شامل دی. تاجیکستان همدارنګه په پام کې لري چې د طالبانو له حکومت سره د خپلو پولو په اوږدو کې شاوخوا دوه سوه کیلومتره اغزن سیم تیر کړي.
په افغانستان کې د طالبانو د حکومت له بیا واکمنیدو وروسته، د تاجیکستان امنیتي اندیښنې په کلکه زیاتې شوې دي. د دې هیواد چارواکي هیله من دي چې په دې اقداماتو او له قرغزستان سره د همکاریو په پراختیا سره، د سرحدي شخړو خطر کم شي.
#افغانستان #تاجیکستان #امنیت
🌐
