د بریتانیا پولیسو د انسانانو د قاچاق د یوې تنظیم شوې شبکې غړي د دولس افغان وګړو د غیر قانوني لیږد په تور نیولي دي. دا کسان د ملي جرمونو د ادارې د اوږدو څیړنو وروسته وپیژندل شول او تر تعقیب لاندې ونیول شول.
قاچاق وړونکو د یوه بار وړونکي موټر څخه په ګټې اخیستنې چې پټ ځایونه یې لرل، دا افغان کډوال چې یو ماشوم هم پکې شامل و، بریتانیا ته رسولي وو. دا کډوال په ډیرو خطرناکو شرایطو کې د موټر په وروستۍ برخه کې پټ شوي وو.
د دې شبکې مشري دوو بریتانوي سړیو کوله چې له دې کډوالو څخه یې ډیرې پیسې اخیستې دي. د بریتانیا څارنوالۍ اعلان کړی چې تورنو کسانو په خپل جرم اعتراف کړی او د هغوی د محکمې بهیر روان دی.
#بریتانیا #کډوال #افغان #قاچاق
🌐
