سیمه ییزو سرچینو خبر ورکړی چې د طالبانو د حکومت ځواکونو په بلخ ولایت کې د مخکني پوځ یو سرتېری نیولی دی. دا کس ابراهیم صفري نومېږي او د یاد ولایت په زارع ولسوالۍ کې د تروریزم پر وړاندې د مبارزې ادارې لخوا نیول شوی دی.
ویل کېږي چې د طالبانو د حکومت ځواکونو لومړی له هغه څخه د وسلې غوښتنه کړې وه او بیا یې له خپل کور څخه له ځان سره بیولی دی. د څو ورځو په تېرېدو سره، د دې پخواني پوځي کورنۍ لا هم د هغه د برخلیک په اړه هېڅ معلومات نه لري.
دا نیونه په داسې حال کې ترسره کېږي چې د ملګرو ملتونو راپورونه ښيي چې په دې وروستیو کې لسګونه پخواني امنیتي سرتېري نیول شوي یا وژل شوي دي. د پخوانیو پوځیانو پر وړاندې د بشري حقونو د نقض په اړه پراخې اندېښنې شتون لري.
🌐 #بلخ #بشري\_حقونه #افغانستان
