په کندهار ولایت کې سیمه ییزو سرچینو اعلان کړی چې د طالبانو حکومت د خپلو ټولو دولتي کارکوونکو او پوځي ځواکونو لپاره د ځیرکو ټیلیفونونو کارول منع کړي دي. دا نوی حکم له دوشنبې ورځې څخه په جدي توګه پلي شوی دی.
د دې پریکړې په پلي کیدو سره، ډیری دولتي ادارې له سختو ارتباطي او اداري ننګونو سره مخ شوې دي. تر دې وړاندې د هرات پوهنتون رییس هم د طالبانو حکومت د مشر د فرمان پر بنسټ، د دغه بنسټ ټولو استادانو او کارکوونکو ته د ځیرکو ټیلیفونونو راوړل منع کړي وو.
دولتي کارکوونکي وایي چې د دې قانون د سرغړونې په صورت کې ممکن پوځي محکمو ته ور وپیژندل شي. د طالبانو حکومت په وروستیو کلونو کې پر ارتباطي وسایلو پراخ محدودیتونه وضع کړي دي.
🌐 #افغانستان #کندهار #ځیرک\_ټیلیفون #طالبان\_حکومت
