د ملګرو ملتونو پراختیایي پروګرام اعلان کړی چې د دوه زره او درویشتم کال راهیسې څه باندې شپږ میلیونه افغان کډوال خپل هیواد ته ستانه شوي دي. دې پراخ بهیر په افغانستان کې پر اقتصادي وضعیت او د خدمتونو وړاندې کولو پر ظرفیت ډیر دروند فشار راوړی دی.
یوازې په روان میلادي کال کې سلګونه زره افغانان تر ډیره له ګاونډي پاکستان څخه افغانستان ته ستانه شوي دي. دغې ادارې خبرداری ورکړی چې ډیری ولایتونه د دې شمیر راستنیدونکو د منلو وړتیا نه لري او د امکاناتو له سخت کمښت سره مخ دي.
د ملګرو ملتونو پراختیایي پروګرام ټینګار کوي چې د دې کسانو بریالي ادغام د نړیوالې ټولنې دوامداره ملاتړ او هدفي پانګونې ته اړتیا لري. د کاري فرصتونو رامینځته کول او د لومړنیو اړتیاوو برابرول د بشري ناورین د مخنیوي لپاره اړین دي.
#کډوالي #افغانستان #ملګري\_ملتونه
🌐
