یمنده سعودی عربستان باشچیلیگیده گی ائتلاف، سه‌شنبه ایرته لب اعلان قیلدی کیم، حوثی لر تامانیدن سعودی عربستان نینگ شرقی منطقه‌سی تامان آتیلگن اوچ بالستیک راکت نی توتیب آلیب یوق قیلگن. بو اقدام ایکّی تامان اورته سیده گی کیسکین لیک لرنینگ کوچه‌ییشی پیتیده عملگه آشیریلماقده.
بو ائتلاف نینگ بیانیه‌سیگه اساساً، جمهوری اسلامی حمایتی ده گی حوثی لرنینگ راکت هجوم لری، سونگگی هفته لرده اولر بیلن ائتلاف کوچلری اورته سیده گی توقنشو لرنینگ کوپه یگن بیر پیتده یوز بېرگن. بو هجوم لر حوثی لرنینگ سعودی عربستانده حیاتی زیربنا لر و یشش منطقه‌لرینی نشانگه آلیش اوچون قیلگن سعی و حرکت لری نینگ بیر قسمی دیر.
بو هجوم لردن آلدین، سعودی عربستان نینگ ملکی مدافعه اداره سی شرقی منطقه و الخرج تومنی ده بیر «خصمانه تهدید» احتمالی حقیده ایرته آگاهلنتیریش صادر قیلگن اېدی. بو آگاهلنتیریش شهرداش لرگه کیره کلی احتیاطی تدبیرلرنی آلیشگه امکان یه رتگن.
راکت لرنینگ موفقیتلی توتیب آلینیشی و یوق قیلینیشی دن بیر نیچه ساعت کیین، ملکی مدافعه اداره سی هر ایکّی منطقه ده خطرنینگ تولیق برطرف ایتیلگنی نی اعلان قیلدی. سعودی مقام لری بو هجوم لرنینگ احتمالی ضرر لری یا تلفاتلری حقیده کوپراق جزئیات بېرگن ایمسلر، لیکن مملکت نینگ هوا مدافعه سیستملری نینگ موفقیتلی ایشلگنی نی تاکیدله‌دیلر.
۲۰۱۴ نچی ییلده باشلنگن یمن ده گی اوروش، جهانده گی اینگ کتّه بشردوستانه بحران لردن بیریگه ایلنگن. سعودی عربستان باشچیلیگیده گی ائتلاف ۲۰۱۵ نچی ییلده یمن نینگ قانونی حکومتی نی حمایت قیلیش اوچون بو اوروشگه کیرگن.
یمن پایتختی صنعا و بو مملکت نینگ شِمالی ده گی کینگ قسم لرینی نظارت قیله دیگن حوثی لر، کوپ مرته بالستیک راکت لر و اوچووچیسیز اوچاق لردن فایده لنیب سعودی عربستان توپراغی ده گی نشان لرگه هجوم قیلگنلر. خلق ارا همجمعیت کوپ مرته بو هجوم لرنی قاره لب، یمن اوروشی نی توخته تیش اوچون سیاسی بیر ییچیم تاپیشنی سوره‌گن.
منبع: زرین تی وی خبر منبعلری
🌐
