ایران رهبری مجتبی خامنه ای، اوشبو مملکت نینگ ملی امنیت عالی کینگشی نینگ منشیسی محسن رضایی بیلن اوچره شووده، «نه اوروش، نه تینچلیک» وضعیتی نینگ توگه تیلیشی ضرورتیگه تاکیدله دی. ایران بو عبارتدن امریکا قوشمه ایالت لری بیلن بولگن کېسکین وضعیتی نی توصیف لش اوچون فایده لنه دی.
ایران رهبری نینگ وب سایتی سه شنبه کونی، ۵ عقرب ده، بو اوچره شوو «هرمز بوغازی نی مدیریت قیلیش آرقه لی ملی و منطقه ای امنیت نی سقلش و قۉشنی مملکت لر بیلن علاقه لرنی مستحکم لش» کبی محور لرگه قره تیلگن لیگینی گزارش بېردی. بو اوچره شوو تهرانده ایران، پاکستان، ترکیه و سعودی عربستان نینگ تۉرت تامانلمه امنیتی ییغیلیشیدن بیر کون سۉنگ اۉتکزیلدی.
گزارش اساسیده، ایران رهبری «دشمن نینگ چاره سیز قلیشی» نی «ملی مقاومت نینگ ثمره لریدن» دیب بیلیب و «مملکت نی دفاع قیلیشده خلق نینگ حضوری دوام اېتیشی اوچون فعال خبر رسانی» و بو وضعیت نی توگه تیش اوچون مطرح قیلینگن شرط لرنینگ تحقق تاپیشی آرقلی ایران نینگ حقوق لرینی تعقیب قیلیشگه تاکیدله دی.
محسن رضایی هم بو اوچره شووده «منطقه ای ایچکی ترتیبات و نظم نی سامانگه سالیش» اوچون سعی و حرکت لر حقیده بیر گزارش تقدیم اېتدی که بو ایران نینگ تشقی کوچ لرنینگ مداخله سیسیز بیر منطقه ای امنیتی ساختار ایجاد قیلیش اوچون حرکت لرینی کۉرسته دی.
بو مجتبی خامنه ای نینگ رهبر بولگنیدن بېری تشقی سیاست حقیده گی بیرینچی عمومی فکر بیلدیروویدیر. او آته سی علی خامنه ای نینگ امریکا و اسرائیل نینگ مشترک هجوم لریده اۉلدیریلیشیدن سۉنگ قدرتگه اېریشدی. او وقتدن بېری، او عامه محضرده کۉرینمه گن.
اونینگ علنی حضورسیزلیگی اونینگ ساغلیق وضعیتی حقیده گی گمان لرنی کوچه یتیرگن. اونینگ آته سی نینگ اۉلیمیگه سبب بولگن اوشه هجوم لرده آغیر یره لنگن لیگی حقیده گزارش لر موجود. هر حالده، ایران مقام لری هر دایم بو گزارش لرنی رد اېتیب، اونینگ تولیق ساغلام ایکن لیگینی ایته دیلر.
منبع: متنی فایل
🌐
