فریدوم هاوس شمول بشری حقوق بۉییچه ۳۰ خلق ارا تشکیلاتی قۉشمه بیانات ترقه‌تیب، پاکستانلیک فعال ادریس ختک نینگ عیبلاولرینی اساسسیز دب اته‌دی و اونینگ شرطسیز قوییب یوباریلیشینی طلب قیلدی.
اوشبو طلب اوشبو تانیقلی حقوقی فعال نینگ اۉغیرله‌نیشی و حبسگه آلینیشی نینگ یېتینچی ییللیگی مناسبتی بیلن بیلدیرلدی.
حقوقی تشکیلاتلر بیاناتیده، یېتتی ییل آلدین ادریس ختک پاکستانده اۉغیرلب کیتیلگن و اونینگ تقدیری اوزاق وقت نامعلوم قالگن اېدی.
قۉشمه بیاناتگه کۉره، اونینگ عایله‌سی اوشبو واقعه‌دن سۉنگ یېتتی آی دوامیده اونینگ حیاتی و ساغلیغی حقیده هېچ قنده‌ی معلوماتگه اېگه اېمس اېدی.
اونگه کۉره، ختک اوشبو مدتدن کېین پاکستان حکومتی نینگ حبسخانه‌سیده تاپیلدی و نامعلوم و اساسسیز عیبلاولر بیلن ۱۴ ییللیک قاماق جزاسیگه محکوم قیلیندی.
اوشبو ۳۰ تشکیلات ادریس ختک نینگ حبسده قالیشینی کتّه بې‌عدالتلیک دب بهاله‌دی و اونینگ حقوقلری پایمال اېتیلگنینی بلدیریشدی.
امضا قیلگن تشکیلاتلر پاکستان رسمیلریدن اوشبو قرارنی بېکار قیلیب، اونینگ درحال و شرطسیز روشده آزاد اېتیلیشینی سۉره‌دی.
منبع: خلق ارا بشری حقوق تشکیلاتلری
🌐
