په هلمند ولایت کې سیمه ییزو چارواکو د شوروي د یرغل له وخته د پاتې شویو یو شمېر ټانکونو د کشف او را ایستلو خبر ورکړی دی. د هلمند د اطلاعاتو او کلتور رییس، حافظ عبدالباري راشد وایي، دغه ټانکونه چې کلونه تر خاورو لاندې وو، د یکشنبې په ورځ د امنیتي ځواکونو لخوا را وایستل شول .
د چارواکو په وینا، دا پوځي تجهیزات د شوروي جګړې په پیل کې ویجاړ شوي او وروسته د امریکایي ځواکونو لخوا د جنګي ضایعاتو د پټولو یا له منځه وړلو لپاره ښخ شوي وو. د دې اوسپنو را ایستل په دې سیمه کې د لسیزو جګړو او ویجاړیو یادونه کوي .
لا معلومه نه ده چې طالبان د دې زړو ټانکونو لپاره څه پلان لري، خو معمولاً د جګړې پاتې شوې اوسپنې د کباړ په توګه پلورل کېږي یا په پوځي موزیمونو کې ساتل کېږي. هلمند یو له هغو ولایتونو څخه دی چې د افغانستان په معاصر تاریخ کې د تر ټولو درنو جګړو شاهد و .
#هلمند #شوروي #ټانک #تاریخ #جګړه #افغانستان #جنګي_آثار #طالبان #کشف #پوځي
