سرچینو تایید کړې چې په کابل ښار کې یوه تجربه لرونکې ښځینه خبریاله، انوشه محمدي په مرموز ډول وژل شوې ده. دا پېښه په روانه اونۍ کې شوې او د خبریالانو او د ښځو د حقونو د فعالانو ترمنځ یې پراخې اندېښنې راپارولې دي .
ویل کېږي چې نوموړې د هغو تاوتریخوالو په لړ کې وژل شوې چې د طالبانو تر واکمنۍ لاندې د ښځو پر وړاندې زیات شوي دي. تر اوسه د دې پېښې په اړه کوم رسمي سپیناوی نشته او نه هم چا د دې قتل مسوولیت په غاړه اخیستی، خو وضعیت د اندېښنې وړ بلل شوی دی .
په تېرو څو کلونو کې په افغانستان کې د ښځینه خبریالانو پر وړاندې تاوتریخوالی ډېر شوی او ګڼ شمېر یې خپلې دندې پرېښي دي. د انوشه محمدي وژنه یو ځل بیا د هغو ګواښونو یادونه کوي چې په هېواد کې د بیان د ازادۍ او کارکوونکو ښځو پر وړاندې موجود دي .
