په داسې حال کې چې نړۍ د ډونالډ ټرمپ پرېکړې ته په اندېښنه وه، د امریکا ولسمشر په خپله وینا کې د ایران پر وړاندې د جګړې اعلان ونه کړ. سره له دې چې امریکا په سیمه کې لوی پوځي ځواک راټول کړی، ټرمپ غوره وګڼله چې په اقتصاد او کډوالۍ تمرکز وکړي.
ټرمپ پخپلو خبرو کې وویل چې لا یې له ایراني چارواکو دا نه دي اورېدلي چې هغوی اټومي وسلې نه غواړي. دا په داسې حال کې ده چې د ایران د بهرنیو چارو وزیر لږ مخکې ویلي وو چې هیواد یې هیڅکله د اټومي وسلو د جوړولو هڅه نه کوي.
داسې ښکاري چې په جنیوا کې روانې خبرې د ټرمپ په پرېکړه کې مهم رول لري. هغه همدا راز په ایران کې د وروستیو لاریونونو پر مهال د وژل شویو کسانو شمېر لوړ یاد کړ، چې د ایران حکومت سمدستي دا ادعا رد کړه.
ترامپ د ملت په وضعیت وینا کې د ایران پر ضد د جګړې له اعلانه ډډه وکړه
