د امریکا ولسمشر ډونالډ ټرمپ اعلان وکړ چې د دغه هېواد پوځي ځواکونو د ایران پر وړاندې پراخ جنګي عملیات پیل کړي دي. د راپورونو له مخې، امریکا د هوا او سمندر له لارې پر ایران درانه بریدونه کړي دي چې په سیمه کې یې وضعیت بدل کړی دی.
په ورته وخت کې، یوه اسراییلي دفاعي چارواکي ویلي چې په ایران کې د دوی عملیات له واشنګټن سره په بشپړه همغږۍ ترسره کېږي. د امریکا او اسرائیل دغه ګډ پوځي اقدام په منځني ختیځ کې د کړکېچ کچه ډېره لوړه کړې ده.
نړیوال دغه وضعیت د اندېښنې په سترګه ګوري. د دغو سترو جګړو پیل کولای شي د سیمې په امنیتي او سیاسي وضعیت کې لوی بدلونونه راولي او پر نړیوالو بازارونو هم ژور اغېز وکړي.
