د کاناډا پولیسو اعلان کړی چې په ټورنټو ښار کې د امریکا د کونسلګرۍ پر ودانۍ وسله وال برید د ملي امنیت پورې تړلې پېښه ده. د دې پېښې په تړاو دوه شکمن کسان د امنیتي ځواکونو لخوا نیول شوي دي.
دا پېښه سهار وختي رامنځته شوه چې بریدګر له یوه موټر څخه ښکته شول او پر دغې دیپلوماتیکې ودانۍ یې څو ډزې وکړې. پولیسو تایید کړې چې په دې پېښه کې چا ته ځاني زیان نه دی رسېدلی.
له دې برید وروسته د امریکا او اسراییلو د کونسلګریو شاوخوا کلک امنیتي تدابیر نیول شوي دي. د بریدګرو اصلي انګېزه لا نه ده څرګنده، خو پولیسو له ایران سره د امریکا د وروستیو تاوتریخوالو سره د تړاو احتمال نه دی رد کړی. #کاناډا #امریکا #امنیت
