د طالبانو حکومت په کابل ولایت کې د عمر ګلستان د استوګنې ښارګوټی دولتي ملکیت اعلان کړی او اوسېدونکو ته یې لس ورځې وخت ورکړی ترڅو خپل کورونه پرېږدي. دې پرېکړې زرګونه اوسېدونکي په ناڅرګند برخلیک اخته کړي دي.
دا مجتمع د کابل په نهمه ناحیه کې موقعیت لري او په سلګونو د استوګنې اپارتمانونه لري. اسناد ښیي چې د دې ځمکو ملکیت په تېرو حکومتونو کې تثبیت شوی و، خو اوس د طالبانو تر واک لاندې ښاروالي هغه تسلیم شوې ده.
د ښارګوټي اوسېدونکي د دې ناڅاپي پرېکړې له امله حیران شوي او اعتراضونو ته یې مخه کړې ده. هغوی وایي چې له مخکېنۍ خبرتیا پرته د سرپناه له لاسه ورکولو له ګواښ سره مخ دي او هڅه کوي خپل غږ لوړپوړو چارواکو ته ورسوي.
#کابل #د\_طالبانو\_حکومت #عمر\_ګلستان #افغان
🌐
