د طالبانو د حکومت یوه چارواکي د بریتانیا له ځانګړي استازي ریچارد لیندزي سره په لیدنه کې وویل، که پاکستان د تاوتریخوالي کمولو لپاره یو ګام پورته کړي، دوی به دوه ګامونه واخلي. دا لیدنه د دوستانه اړیکو د پیاوړتیا لپاره شوې ده.
دې چارواکي په کونړ ولایت کې د پاکستان وروستي بریدونه په کلکه وغندل او ویې ویل چې د ملکیانو، په ځانګړې توګه د ښځو او ماشومانو په نښه کول هیڅ توجیه نه لري او باید ژر تر ژره ودرول شي.
د بریتانیا استازي هم د تاوتریخوالي پر پای ته رسولو او د باور جوړونې پر اړتیا ټینګار وکړ. په دې ناسته کې په پاکستان کې د افغان کډوالو د حقونو خوندیتوب او د بشري مرستو رسولو په اړه هم مهمې خبرې وشوې.
🌐 #افغانستان #پاکستان #بریتانیا #طالبان
