د کوچنیو جګړو مجلې راپور ورکړی چې د سپینې ماڼۍ په یوه نوې ستراتیژیکه سند کې د ترهګرو ډلو د تبلیغاتو پر وړاندې د هڅو د زیاتولو غوښتنه شوې ده. دا دنده مخکې د امریکا غږ پر غاړه وه چې د ډونالډ ټرمپ له خوا د بودیجې د کمښت له امله کمزورې شوه.
دغه ستراتیژي چې په می میاشت کې خپره شوې د القاعدې او داعش خراسان څانګې تبلیغاتو ته ځانګړې پاملرنه کوي. د امریکا غږ مخکې په افغانستان او پاکستان کې په پښتو او دري ژبو ډېر پروګرامونه خپرول چې اوس مهال په بې ساري ډول کم شوي دي.
د امریکا غږ د سویلي او مرکزي اسیا څانګې مشره خبرداری ورکوي چې د امریکایي رسنیو نشتوالی یوه لویه تشه رامنځته کړې ده. کارپوهان وایي چې د رسنیو د بودیجې پرې کول کولای شي د افراطي غورځنګونو پراختیا ته لاره هواره کړي.
#سپینه\_ماڼۍ #امریکا #رسنۍ #افغانستان
🌐
