د ایران د بهرنیو چارو وزارت د قونسلګرۍ چارو مرستیال وحید جلال زاده ننګرهار ولایت ته په سفر کې د دې ولایت لپاره د طالبانو حکومت له والي محمد نعیم آخند سره وکتل.
د طالبانو حکومت د والي دفتر د اعلامیې پر بنسټ دواړو لورو په دې ناسته کې د سوداګرۍ کرنې روغتیا او ښوونې او روزنې د پراختیا په څیر پر مهمو موضوعاتو خبرې وکړې. افغان ځوانانو ته د تحصیلي بورسونو برابرول هم د دې لیدنې له اصلي محورونو څخه وو.
همدارنګه په دې خبرو کې د ایران اسلامي جمهوریت او د افغانستان د ختیځو ولایتونو ترمنځ د دوه اړخیزو اړیکو پر پیاوړتیا ټینګار وشو. دا لیدنه د دوو ګاونډیو هیوادونو ترمنځ د سیمه ییزو او اقتصادي همکاریو د پراختیا هڅې ښيي.
#افغانستان #ایران #ننګرهار #طالبان
🌐
