لینا چې د طالبانو د لومړۍ دورې د پای ته رسېدو پر مهال اته کلنه وه، وايي نه پوهېده چې نجونې هم ښوونځي ته د تګ حق لري.
هغې د لوست لومړني ګامونه په کور کې له خپلې ښوونکې مور څخه زده کړي وو او د ۱۳۸۰ لمریز کال له بدلون وروسته دویم ټولګي ته شامله شوه. د افغانستان انټرنشنل د راپور له مخې، لینا وروسته خبریالي وټاکله او اوس له هېواده بهر په رسنیو کې کار کوي.
هغې وویل چې مشرانو خویندو یې د عمر او ټولنیزو شرایطو له امله ونه شوای کولای خپلې نیمګړې زدهکړې بېرته بشپړې کړي.
د طالبانو د لومړۍ واکمنۍ په پنځو کلونو کې ښځې او نجونې له زدهکړو، پوهنتونونو او په دولتي ادارو کې له دندو په بشپړه توګه بېبرخې وې.
له دغې دورې وروسته، په کابل کې د اضطراري لویې جرګې له څه باندې ۱۵۰۰ استازو څخه شاوخوا ۲۰۰ تنه یې ښځې وې.
د هېواد د سویل ختیځ یوې ښوونکې وویل چې د بندیزونو پر مهال یې په پټه تر ۳۰ زیاتو نجونو ته زدهکړې ورکولې او وروسته د سیمې استازې وټاکل شوه.
سرچینه: افغانستان انټرنشنل
🌐
