د هند د دولتي شرکت کول انډیا اړوند ماهانادي کولفیلډز د خپلو اسهامو په لومړني عامه وړاندیز کې تر ۹۰ زره او یو کروړه روپیو، یعنې ۹٫۵۵ میلیارده ډالرو پورې ارزښت په نښه کړی دی.
دغه شرکت د هرې ونډې لپاره د بیې کچه د ۱۲۹ او ۱۳۶ روپیو ترمنځ ټاکلې ده. دا اقدام له مالي بازارونو څخه د نوې پانګې راجلبولو په موخه ترسره کېږي.
د یاد شرکت د رسمي مالوماتو پر بنسټ، د دغه عامه وړاندیز موخه د ۸٬۹۸۱٫۱۲ کروړه روپیو ترلاسه کول دي. د اسهامو د پېرلو بهیر به د نوامبر په ۱۹مه نېټه پیل او د نوامبر په ۲۳مه نېټه به پای ته ورسېږي.
د ټاکل شوې بیې په لوړه کچه، د ماهانادي کولفیلډز ټولیز ارزښت ۹۰ زره او یو کروړه روپیو ته رسېږي. د ۹٫۵۵ میلیارده ډالرو اټکل د امریکايي ډالر پر وړاندې د ۹۴٫۲۴ روپیو تبادلې پر بنسټ شوی دی.
ماهانادي کولفیلډز د سکرو د تولید په برخه کې د هند یو ستر شرکت دی چې د دغه هېواد د برېښنا او انرژۍ د صنایعو په تامین کې مهمه ونډه لري. په سیمه کې مالي او سوداګریزې ټولنې دغه لوی اقتصادي اقدام له نږدې څاري.
سرچینه: رویترز
🌐