قوراللی مخالف لرنینگ هجوم لری کوپه یشی آرتیدن، طالبان حکومتی دن بیر یوقاری مرتبه لی هیئت خوفسیزلیک وضعیتی نی تیکشیریش و ضرر کوریشی ممکن بولگن منطقه لرنی بهالنتیریش اوچون بدخشان و تخار ولایت لریگه سفر قیلدی. بو هیئت طالبان نینگ استخبارات ریاست، مدافعه وزیرلیگی و ایچکی ایشلر وزیرلیگی نینگ نماینده لریدن تشکیل تاپگن.
طالبان کنترولی آستیده گی باختر خبر آژانسی، بدخشانده طالبان امنیه قوماندانلیگی سوزلاوچیسی احسان الله کامگار دن نقل قیلیب، بو هیئت نینگ دوشنبه کونی، ۱۲ میزانده، اوشبو ایکّی شمال-شرقی ولایتده گی ضرر کوریشی ممکن منطقه لرنی باریب کورگنینی گزارش بیرди. بو سفر نینگ مقصدی، کوچلرنینگ تیارگرلیگی نی نظارت قیلیش و چېگره منطقه لرنینگ وضعیتی نی تیکشیریش دیب اعلان قیلینگن.
گزارش اساسیده، طالبان هیئتی بدخشان نینگ کران و منجان ولسوالی سی و تخار نینگ ورسج ولسوالی سی نینگ ایریم قسم لریدن دیدن قیلگن. بو سفر، سونگگی آی لرده بو منطقه لرده ملی مقاومت جبهه سی و آزادی جبهه سی کبی طالبان مخالف گروه لری نینگ هجوم لری کوپه ییب و طالبان کوچلریگه تلفات ییتکزگنی شرایطده یوز بیرماقده.
بدخشان نینگ زیباک ولسوالی سیده گی اوروشلر و اونینگ کران و منجان و ورسج کبی قوشنی ولسوالی لرگه کینگه‌یشی توغریسیده گی تشویش، بو سفرنینگ اساسی سبب لری دیب بهالنتیریله‌دی. بو منطقه لر، تاغلیک و قیین جغرافیالری سببلی، مخالف قوراللی گروه لرنینگ چریکی فعالیت لری اوچون مناسب دیر.
تخار ولایتیده هم طالبان مقام لری ورسج ولسوالی سی نینگ خوفسیزلیک وضعیتی توغریسیده تشویش بیلدیرگن. بو ولسوالی بدخشان نینگ کران و منجان بیلن چېگره داش و مخالف لر فعالیت لری نینگ کینگه‌ییشی اوچون بیر یولک صفتیده ایشله شی ممکن. تخارده گی طالبان والیسی اوتگن ایکّی آی ایچیده ایکّی مرته ورسج گه سفر قیلیب، پوسته لرنی کوچه‌یتیریش اوچون بو منطقه گه کوپراق کوچ جایلشتیرگن.
بو باریب کوریش، مملکت نینگ شمال-شرقیده مخالف لرنینگ حربی فعالیت لری کوپه یشی دن طالبان نینگ جدی تشویشی نی کورسته‌دی. بو تاغلیک منطقه لرده قوراللی گروه لر حضوری نینگ کینگه‌ییشی، طالبان اوچون خوفسیزلیک کنترولینی قیینلشتیریب، اولرنینگ حکومتی اوچون بیر جدی چالش گه ایلنیشی ممکن.
منبع: باختر آژانسی
🌐
