«زاویه نیوز» رسانه سی، بیر قطار طالبان اعضاسی نینگ بیر دولت اداره سی ایچیده رسمی اوریندیقلرده دم آلیاتگنینی کۉرسه تووچی تصویرلرنی نشر قیلدی. بو تصویرلر طالبان نینگ دولتی امکاناتلردن قنده‌ی فایده لنیشی مسئله سیگه ینه بیر بار دقت نی جلب قیلدی.
بو تصویرلرنینگ دقیق زمانی، مکانی و اولرده گی کیشی لرنینگ کیملیگی معلوم ایمس. لیکن، اولرنینگ نشری، بعضی دولت اداره لریگه مراجعه قیلووچیلرنینگ طالبان ایشچیلری نینگ ایش طرزیدن شکایت قیلیاتگن بیر پیتده یوز بېرماقده.
اوشبو مراجعه قیلووچیلرنینگ ایتیشیچه، بیر قطار ایشچیلر و مسئوللر رسمی ایش ساعت لریده موبایل تلفن بیلن مشغول، دم آلیش یاکه اویقوده بوله‌دیلر. بو وضعیت، اهالی نینگ ایشلرینی بیتکیزیش جریانینی سستلشتیریب، اولرنی ساعتلب کوتیشگه مجبور قیله دی.
بو بیرینچی مرته ایمس که بونده‌ی گزارشلر نشر ایتیله‌دی. بوندن آلدین، افغانستان اینترنشنل کابل ده گی اۉز منبع لریگه تیه نیب، بیر قطار طالبان اعضاسی نینگ تشقی ایشلر وزیرلیگی نینگ اتاق لری و رسمی سالونلریدن اویقو و دم آلیش اوچون فایده لنیشینی گزارش بېرگن اېدی.
اوشبو گزارشگه اساساً، بعضی ایچکی و تشقی مهمانلر که دیپلوماتیک اوچره شوولر اوچون اوشبو وزیرلیککه بارگنلر، اداری میز لر آستیده و اوچره شوو سالونلریده اویقوده گی کیشیلرنی کۉرگنلر.
آلدینگی گزارشلر اجتماعی ترماقلرده عکس العمل لرگه سبب بۉلگن و فایده لنووچیلر طالبان اداره لریده گی ایش وضعیتی و دولتی امکاناتلردن فایده لنیش طرزینی تنقید قیلگن اېدیلر. طالبان هلیگچه ینگی نشر ایتیلگن تصویرلر حقیده فکر بیلدیرمه گن.
منبع: زاویه نیوز، افغانستان اینترنشنل
🌐
