هرات شهری نینگ بیر قطار یشاوچیلری، بو شهرده اوی کرایه سی مثالسیز درجه ده آشیب، کۉپچیلیک عایله لرنینگ اونی تۉلشگه قربی یېتمه‌ی قـالگنینی ایتماقده لر. بو وضعیت اهالی، خصوصاً کم درآمدلی عایله لر اوچون حیاتنی قیینلشتیریب یوبارگن.
آمو تلویزیونی نینگ گزارشیگه کۉره، هرات یشاوچیلری بو وضعیتدن خواطر بیلدریب، حاضرگی درآمدلری بیلن مناسب کرایه گه اوی تاپیش نینگ دېیرلی امکانی یۉقلیگینی ایتگنلر. اولر طالبان حکومتی دن نرخلرنی کنترول قیلیش و کرایه لرنینگ کوپه ییشی نینگ آلدینی آلیش اوچون چاره کۉریشنی طلب قیلماقده لر.
شونینگدېک، هراتده بیر رهنمای معاملات اېگه سی، بو آشیب باریش نینگ اصلی سببینی قۉنشی مملکتلردن قه یتیب کیلگن مهاجرلر و ایچکی قۉچقینلرنینگ کینگ قورسلی حضوریده کۉره دی. سۉنگگی آیلرده، اینیقسه پاکستاندن افغان مهاجرلری نینگ مجبوراً چیقاریلیشیدن سۉنگ، هرات ولایتی مینگلب عایله لرنینگ کېلیشیگه گواه بۉلگن.
اهالی سانی نینگ بو توсатدن آشیب کېتیشی، اویگه بولگن طلب نی جدّی شکلده کوپه یتیرگن، حال آنکه عرضه اۉز جاییده قالگن. عرضه و طلب اورته سیده گی بو توازن سیزلیک، اوی اېگه لریگه کرایه لرنی اۉز ایستکلری بۉییچه آشیریش اوچون فرصت بېرگن.
کۉپگینه قه یتیب کیلگن و قۉچقین عایله لر، آز مالی منبع و هیچ قنده‌ی حمایت سیز هرات کبی کتته شهرلرگه پناه کیلگنلر. اولر عایله لری اوچون باشپناه تاپیشده کتته قیینچیلیکلرگه دوچ کیلیب، کۉپینچه نامناسب شرایطده و یوقاری هزینه لر بیلن یششگه مجبور بۉلماقده لر.
اقتصادی متخصصلر، اگر بو بحراننی مدیریت قیلیش اوچون فوری اقدام قیلینمسه، افغانستان نینگ کتته شهرلریده، جمله دن هراتده، اجتماعی و اقتصادی معمالر یمانلشیشی باره سیده آگاهلنتیرماقده لر.
منبع: آمو
🌐
