طالبان حکومتی نینگ مالیه وزیرلیگی دولت خادملری نینگ معاشلری کېچیکتیریلگنی حقیده گی سونگگی خبرلرنی کسکین رد قیلیب اولرنی اساسسیز دېب اتدی.
بو وزیرلیک دوشنبه کونی، ۴ عقرب ده، بیر اعلامیه ترقه تیب «حقوق لرنی تۉلش کېچیکتیریلگنی اطرافی ده گی شایعه لر ناتوغری دیر» دېب تاکیدله دی. اعلامیه ده ایتیلیشیچه طالبان حکومتی یورتداشلر و دولت خادملریگه ایشانچ بېره دی که معاشلر عادی جریان گه کۉره و هیچ قندهی قیین چیلیک سیز اۉز وقتیده تۉلنه دی.
بو تکذیبیه شوندهی بیر حالده صادر بۉلماقده که طالبان کنترولی آستیده گی دولت اداره لری ایچیدن کېلگن تورلی منبعلر فرقلی بیر تصویرنی چیزیب بېرماقده. بو منبعلر نینگ ایتیشیچه، برچه ولایت لر نینگ مستوفیت لریگه «ثانی امرگه قدر» ملکی و حربی خادملر نینگ معاشلرینی تۉلش نی تۉخته تیش اوچون دستور بېریلگن.
بیر دولت اداره سی نینگ مالی بخشیدن بیر منبع اوتگن کون اطلاعات روز روزنامه سیگه بو دستورنینگ تۉغریدن تۉغری کابلدن صادر ایتیلگنینی ایتدی. شونینگدېک طالبان نینگ مالیه وزیرلیگی نینگ اۉزیده باشقه بیر منبع هم دولت خادملری نینگ معاش حواله سی کمیده جاری عقرب آیی نینگ اونینچی کونیدن کېچیکتیریلگنینی تاییدله دی.
منبع نینگ قۉшимچه قیلیشیچه، بو کېچیکیش نینگ سببی هلی گچه رسمی روشده انیقلنگن ایمس و طالبان نینگ مسئول مقام لری هم بو حقده ایضاحات بېرمه گن. بو وضعیت تیریک چیلیگی اوشبو معاشلرگه باغلیق بۉلگن دولت خادملری آره سیده کینگ قولاچلی خواطرلرگه سبب بۉلگن.
بو بیرینچی مرته ایمس که طالبان حکومتی بوندهی مسئله لر بیلن روپه رو بۉلماقده. ۱۴۰۰ نچی ییلده قدرت گه قیتیب کېلگنیدن بویان دولت خادملری نینگ معاشلری کۉپ مرته کېچیکتیریلگن. بعضی موردلرده بو کېچیکیش لرنینگ اساسی سببی بودجه کم چیلیگی و مالی قیین چیلیک لر عنوان قیلینگن. مالیه وزیرلیگی رسمی اعلامیه سی بیلن ایچکی منبعلر خبرلری آره سیده گی بو تضاد، طالبان حکومتی نینگ مالی ثباتی حقیده گی ابهام لرنی کوچه یتیره دی.
منبع: اطلاعات روز روزنامه سی
🌐
