کمیته دولتی امنیت ملی تاجیکستان اعلام کرده است که اخراج شماری از شهروندان افغانستان از این کشور، به دلیل نقض جدی قوانین داخلی صورت گرفته است. این نهاد گفته است که این افراد با وجود برخورداری از امکانات اقامتی، مرتکب جرایم مختلف شده اند.
بر اساس معلومات مقام های تاجیکستان، جرایم این افراد شامل قاچاق مواد مخدر، عضویت در گروه های تروریستی، استفاده از اسناد جعلی و قتل بوده است. قتل یک زن تاجیک توسط یک شهروند افغان در شهر خجند، واکنش های تندی را در پی داشته است.
با این حال، پناهجویان افغان ادعا می کنند که پولیس تاجیکستان بازداشت های اجباری را افزایش داده است. به گفته آنان، ده ها خانواده حتی با داشتن اسناد قانونی به کمپ ها منتقل شده و در معرض اخراج قرار دارند.
#افغانستان #تاجیکستان #مهاجرت
🌐
