د طالبانو حکومت د عدلیې وزارت اعلان کړی چې د کابل په لوېدیځ کې د امید سبز ښارګوټی د دوی د یوې ځانګړې محکمې د پرېکړې پر بنسټ دولتي ملکیت بلل شوی دی. دا ښارګوټی ۱۵۰۰ جریبه ځمکه لري.
دا د استوګنې سیمه چې د کابل ولایت په شپږمه او دیارلسمه ناحیو کې موقعیت لري، مخکې د تېر حکومت د یوه لوړ پوړي چارواکي د ورور ملکیت ګڼل کېده. خو اوس د طالبانو حکومت پرېکړه کړې چې کنټرول یې په خپل لاس کې واخلي.
په رسمي اعلامیه کې راغلي چې د اسنادو له څېړلو وروسته، محکمه دې پایلې ته رسېدلې چې دا ځمکې باید د غصب د مخنیوي کمیسیون ته وسپارل شي. دغې پرېکړې ځینې اندېښنې هم راپورته کړې دي.
#کابل #د\_طالبانو\_حکومت #امید\_سبز #افغان
🌐
