په ننګرهار ولایت کې د طالبانو د حکومت محلي چارواکو د لسګونه بشري مرستو د لاریو د رارسېدو خبر ورکړی دی. د ملګرو ملتونو دا شپږ پنځوس لارۍ د تورخم سرحدي لارې څخه د افغانستان خاورې ته ننوتې دي.
په دې مرستو کې د هېواد د روغتونونو لپاره د روغتیا نړیوال سازمان طبي تجهیزات شامل دي. محلي چارواکي ادعا کوي چې پاکستان له پولې څخه د دې مهمو توکو د تېرېدو د اجازې په بدل کې له نړیوالو سازمانونو پیسې اخیستې دي.
د دواړو هېوادونو ترمنځ سرحدي لارې نږدې یو کال کیږي چې له محدودیتونو سره مخ دي. له دې سره سره پاکستان یوازې ایستل شویو کډوالو او د مرستندویه کاروانونو ته اجازه ورکوي چې له دې سرحدي سیمو تېر شي.
#افغانستان #ننګرهار #بشري\_مرستې
🌐
