د پاکستان له لارې د افغانستان ټرانزیټي سوداګري روان مالي کال کې خپلې تر ټولو ټیټې کچې ته راښکته شوې ده. شمېرې ښيي چې د سوداګریزو کانتینرونو شمېر له نهه اتیا زرو څخه شاوخوا یوولس زرو ته کم شوی دی.
د دې سخت کمښت اصلي لامل د پولو پرله پسې تړل کیدل او د طالبانو حکومت هغه تګلارې دي چې بدیلې لارې لټوي. افغان سوداګر اوس ډیره هڅه کوي چې خپل مالونه د ایران او منځنۍ اسیا له لارې هیواد ته وارد کړي.
نړیوال بانک خبرداری ورکړی چې دغه سرحدي خنډونه او د ټرانزیټ لوړ لګښتونه په افغان بازارونو کې د لومړنیو توکو د بیو د لوړیدو لامل شوي دي. دې وضعیت د ګمرکونو او ټرانسپورټ په برخه کې زرګونه دندې هم له منځه وړي دي.
🌐 #سوداګري #افغانستان #پاکستان #اقتصاد
