د امریکا ولسمشر ډونالډ ټرمپ د ټروت سانیل پر خپله پاڼه لیکلي چې له خپل روسي سیال ولادیمیر پوتین سره یې پر ټلیفون خبرې کړې دي. د دې خبرو پر بنسټ، پرېکړه شوې چې روسیه به سمدستي ۳۰۰ زره ټنه او په راتلونکو میاشتو کې میلیونونه ټنه ډیزل تېل نړیوال مارکېټ ته وړاندې کړي ترڅو د بیو د بې ساري لوړوالي مخه ونیول شي.
ټرمپ روښانه کړې چې دا ګام په نړیوال او امریکايي بازار کې د ډیزلو د بیو د لوړېدو او اقتصادي فشارونو د کنټرول په موخه اخیستل شوی دی. هغه د دې معاملې جزئیات داسې بیان کړي چې له لومړي پړاو وروسته به ۵۰۰ زره ټنه په نومبر، ۱ میلیون ټنه په ډسمبر او تر هغې وروسته شاوخوا ۳ میلیونه ټنه نور ډیزل د روسیې له تصفیه
خانو څخه د تېلو بازار ته ورسېږي.
د ټرمپ په وینا، د دې پروسې د اسانولو لپاره، د امریکا د خزانې وزارت د روسیې د انرژۍ پر سکتور لګول شوي ځینې بندیزونه په عارضي توګه لغوه کړي دي ترڅو ډیزل تېل په اسانۍ سره نړیوال بازار ته ووځي. دا اقدام د روسیې د بندیزونو په اړه د امریکا په سیاست کې د پام وړ بدلون په ګوته کوي.
په ورته وخت کې، د کرملین ماڼۍ هم د یوې خبرپاڼې په خپرولو سره د دواړو ولسمشرانو ترمنځ خبرې او د تېلو د وړاندې کولو هوکړه تایید کړې ده. دا تړون په داسې حال کې کیږي چې په اوکراین کې جګړه دوام لري او لویدیځو هیوادونو هڅه کړې چې د روسیې د انرژۍ عواید محدود کړي.
بل خوا، د اوکراین ولسمشر ولودیمیر زیلینسکي دا معامله سخته غندلې ده. زیلینسکي دا هوکړه په کلکه غندلې او دا یې د روسیې پر وړاندې د امریکا د کمزورتیا نښه بللې ده. هغه استدلال کوي چې دا کار روسیې ته اجازه ورکوي چې د خپلو تېلو له عوایدو څخه د خپلې جګړې د تمویل لپاره کار واخلي او د مسکو د انزوا کولو لپاره نړیوالې هڅې کمزورې کوي.
سرچینه: د پښتونخوا والي فیصل کریم کنډي په د.txt
🌐
