د فیمینیسټ اکثریت بنسټ په خپل تازه راپور کې اعلان کړی چې په افغانستان کې نجونې زده کړو ته د لاسرسي لپاره خپل ژوند په خطر کې اچوي. د حکومت طالبان له سختو محدودیتونو سره سره زرګونه نجونې د پټو درسي ټولګیو له لارې خپلو زده کړو ته دوام ورکوي.
د دې راپور پر بنسټ شاوخوا دوه میلیونه نجونې له زده کړو بې برخې شوې دي خو یو شمیر یې د نیول کیدو او تاوتریخوالي خطر منلی دی. غیر دولتي موسسو د پیچلو امنیتي تدابیرو په نیولو سره سلګونو ښځو او نجونو ته د زده کړې زمینه برابره کړې ترڅو راتلونکي ته هیله ژوندۍ وساتي.
د ښځو د حقونو دغه ملاتړي بنسټ له نړیوالې ټولنې غوښتي چې د افغان نجونو د زده کړو د ملاتړ لپاره خوندي او اغیزمنې لارې چارې رامنځته کړي. په دې پټو ټولګیو کې ګډون د هغو نجونو لپاره د هیلې یوازینۍ کړکۍ ده چې د ډاکټر کیدو او د ټولنې د رهبرۍ خوبونه ویني.
#افغانستان #نجونې #زده\_کړې #ښځو\_حقونه
🌐
